தமிழ்மணம் தனது முகப்புப் பக்கத்தில் சில அதிரடி மாற்றங்களை ஏற்படுத்தி இருக்கிறது. ஒன்று முதல் 40 பின்னூட்டங்கள் வரை பெற்ற பதிவுகள், 40க்குமேல் பெற்ற பதிவுகள், அனைத்தும் என மூன்று பிரிவுகள் தவிர கீழே வழக்கம் போல கடந்த 24 மணி நேரத்தில் மறுமொழியப்பட்ட இடுகைகள் சுட்டியும் இருக்கிறது.

இன்று கண்ட புதிய மாற்றம் சூடான பதிவுகள் இன்று, இந்த வாரம். மாற்றங்கள் பயனுள்ளவை. வாழ்த்துக்கள்.

-oOo-

அன்புடன் குழுமம் தனது ஆண்டு விழாவை ஒட்டி மாபெரும் கவிதைப்போட்டியை நடத்தி முடித்துள்ளது. இதே சமயம் வலைப்பதிவுகளில் இன்னும் சில முக்கியமான போட்டிகள் பதிவர்களின் பங்கெடுப்புக் காக காத்திருக்கின்றன.

மலைநாடான் நண்பர்களும் கானம் கலைக்கூடமும் இணைந்து நடத்தும் குறும்படப் போட்டி!

ஒரு நிமிடத்துக்கு மேற்படாத சிறிய குறும்படங்கள், கைத்தொலைபேசியில் கூட எடுக்க வல்ல எளிய குறும்படங்களுக்கான போட்டி இது.

குறும்படப்போட்டி - அறிவிப்பு

இப்போட்டிக் கான கடைசி தேதி 30.5.2007 வரை நீட்டிக்கப் பட்டுள்ளது.

குறும்படப்போட்டி - மீள் அறிவிப்பு

மேலும் இப்போட்டியில் கலந்துகொள்வதற்கான தொழில்நுட்ப விளக்கங்கள் எளிய முறையில் எடிட் செய்யும் வழிமுறைகள் இங்கே விளக்கப் பட்டுள்ளன.

என்ன பண்ணலாம்? எப்படிச் செய்யலாம்?

வலைப்பதிவுகளுக்கு அப்பாலும் பலர் கலந்து கொள்ள இருக்கும் இப்போட்டியில் தமிழ்வலைப்பதிவர்கள் திரளாக கலந்து கொண்டு தங்கள் திறமையை வெளிக்காட்ட ஒரு வாய்ப்பு.

-oOo-

சற்றுமுன் [satrumun.com] வலைப்பதிவு செய்தித்தளம் ஆயிரமாவது பதிவை நூறு நாட்களுக்குள் எட்டிப் பிடிக்க இருக்கும் சாதனைக்காக சற்றுமுன் 1000 செய்தி விமர்சனப் போட்டியை நடத்த இருக்கிறது. சுமார் 25000 ரூபாய் மதிப்பீட்டில் 50க்கும் மேற்பட்ட பரிசுகள் திட்டமிடப் பட்டு வருகின்றன. முழுவிவரம் விரைவில் அறிவிக்கப் படும். அனைவரும் கலந்து கொண்டு செய்தி விமர்சனக் கட்டுரைகள் வரையலாம்.

'சற்றுமுன் 1000' மாபெரும் போட்டி

-oOo-

விடை தேடும் வினா புத்தகப் பரிசுப் போட்டிகளில் காதல் கவிதைப் போட்டி இப்போது நடைபெற்று வருகிறது. கடைசி தேதி 10.5.2007

வலைப்பதிவுலக கவிஞர்கள் காதல் கவிதைகள் வரைந்து போட்டியில் பங்கேற்க அழைக்கிறோம்.

காதல் கவிதைப் போட்டி